ANNE FAGERMO & DAG ERIK OKSVOLD
NOR
WHEN THE COMPETITION IS OVER
Anne og Dag Erik var begge Team Lind på The Voice, og fant tonen musikalsk etterpå!
Kolbeins Saloon fredag 12/7
Biografi
Anne Fagermo og Dag Erik Oksvold var begge på Espen Lind sitt lag i siste sesong av The Voice, og fant tonen som det heiter - men då i musikalsk forstand. Dei gav nyleg ut ein singel i lag; “Judge Tenderly Of Me”, som har blitt rosa opp i skyene mellom anna i Adresseavisen!
Anne Fagermo har på kort tid gjort seg bemerka som ein talentfull sangar og låtskrivar, og rørte mentor Lind til tårer ved fleire anledningar. Med si særeigne stemme og unike musikalske stil har ho dei siste åra stått på både store og små scener, og gjeve ut fleire singlar. Anne har røtene sine i pop/rock-sjangeren, men med ein country-inspirert sound som gjev ein frisk og unik vri. Ho byrja å gje ut eigen musikk i 2019, og slapp den live-innspelte EP’en “Stone Church Sessions” i 2020.
Dag Erik gjorde ein formidabel innsats i den samme sesongen av The Voice, der han gjekk ut som Topp 6. Forutan å gjere seg bemerka med fløyelsmjuk vokal, var han også sesongen sin store entertainer, og sjarmerte det norske folk. Han har allereie ei lang artist- og musikkarriere bak seg, der han blant anna spelte trommer i “Hver gang vi møtes” og andre større band. Dag Erik og Anne var også på lag på country-kvelden på Beat for Beat, mot to som tidlegare har vore på Norsk Countrytreff - Ida Jenshus og Adam Douglas!
Anne og Dag Erik skal gjere fleire konsertar i 2024, og det er ei glede å ønskje Dag Erik velkomen attende - og Anne velkomen for første gang - til Breim 12. og 13. juli. Det blir ei knall blanding av eige materiale, og vel utvalde coverversjonar av andre kjende country-låtar.
