Vi har eit høgt fokus på transport både for publikum, artistar og samarbeidspartnarar. Som publikum er det tilbod om buss frå fleire stader i fylket, og artistar blir frakta med fellestransport til og frå hotell.

Festivalcampen står for ein stor del av festivalens straumforbruk. Vi hentar data direkte frå vår straumleverandør Wattn og har full oversikt over forbruket, slik at vi kan planleggje for meir energieffektive løysingar framover. Vi brukar ikkje aggregat under festivalen.

Vi har fleire sorteringsstasjonar på arenaen, og renovasjonsselskap hentar avfall fortløpande under festivalen. Vi har testa pant og bruk av PLA-materiale på eingongsmateriell men dette har vist seg utfordrande i sorteringsprosessen. Vårt hovudfokus er difor pr i dag at alt skal samlast inn og ikkje forsøple nærområdet.

Festivalområdet er bygd opp med faste vegar, nedgravd straum og avløp for å skåne naturen mest mogleg. Etter festivalen vert det rydda grundig, og skadar på gras- og dyrka mark blir reparerte og sådd på nytt.

Vi prioriterer lokale leverandørar, både innan mat, drikke, produksjon og tekniske tenester. Vi samarbeider mellom anna med:

Gloppen Hotell Miljøfyrtårn-sertifisert

Gilde Kjøttprodukt frå nærområdet

Gardsbrenneriet Lokalprodusert drikke

Repix Lokal produksjon av marknadsmateriell og festivalmerch utan overskotslager

Coop Prix Byrkjelo Innkjøp av daglegvarer

Fleire lokale tekniske leverandørar innan lyd, lys, elektro og bygg