Daisy Duke Dawgs er eit countryrockband frå Vestvågøy i Lofoten. Bandet vart skipa i 2013, då ein handfull norske musikarar, med musikalske røter frå Trøndelag heilt til Finnmark, tilfeldigvis møttest i Lofoten. Inspirasjonen kjem frå amerikansk country med innslag av sørstatsrock og bluegrass. Den samansette musikalske bakgrunnen har gitt bandet eit eige og særprega lydbilete: mørkt, rått og ekte.

Bandet legg sjela si i speleglede og energi på scena. Repertoaret spenner frå eigne låtar til country- og countryrock-slagarar frå artistar som Brad Paisley, Zac Brown Band og Blake Shelton. Miksen fyller dansegolvet og famnar breitt, anten det gjeld festival, festkveld eller konsertscene.

Bandleiar Håkan Fjerdingen skriv låtane og står for vokal og akustisk gitar. Med seg har han Geir Inge Johnsen på el-gitar, banjo, dobro og kor, Lena Vildem på tangentar, fele og kor, Bengt Ronny Lorentzen på el-gitar, lapsteel og kor, Kjell-Ivar Bugge på bass og kor og Ben-Josef Sjøhaug på trommer.

Debutalbumet «Maybe I Belong Here» kom ut på Studio-Nord i november 2019, med tolv låtar i skjeringspunktet mellom country, countryrock og sørstatsrock. Sidan då har Daisy Duke Dawgs følgt opp med ein jamn straum av singlar, mellom anna «Mountains Away» og «Living Still» i 2025. Den nyaste, sommarballaden «Dive In», kom langfredag 2026.