Vi har gleda av å presentere Noregs største guteband. Rotlaus er tilbake – og dei treff deg garantert. Etter strålande opptredenar på festivalar rundt om i landet, kan vi endeleg annonsere at Rotlaus står på scena hjå oss igjen! Ta med deg vennegjengen og gjer deg klar for ein kveld fylt med allsang, ektefølt musikk og elektrisk stemning. Dette blir legendarisk!

Sidan dag éin har fokuset vore å ha det gøy – utan planar om suksess, fame eller glory. Rotlaus har ingenting å bevise. Gutane spelar musikk – og det gjer dei djevelsk bra. Ha det gøy, gjer di greie og ver real. Enkelt og greit! Kanskje er det nettopp dette som er oppskrifta på suksessen?

Bandet har på rekordtid blitt eitt av landets mest ettertrakta liveband, og det er liten tvil om at mange vil få med seg Rotlaus. Dei er eitt av få band som spelar på rockefestival, countryfestival og visefestival – og dei gjer alltid si eiga greie. Resultatet? Det treff deg midt i hjartet.