BRÅTABRANN

Bråtabrann kickstartar 2024 med ny låt og ny vokalist! Det har skjedd mange spennande ting hos Bråtabrann sidan dei solgte ut på Krøsset tidleg i november 2023. Med seg i bandet har dei fått den særdeles scenevante musikaren og låtskrivaren Anders Trongaard frå Flisa, og Anders er bandet sin nye frontfigur. Ny musikk har blitt lansert, og låta «Kom inn» omfamnar det inkluderande livet som ofte kjem til sin rett på bygda, uavhengig om det er i Indre Østfold, på Finnskogen eller andre stadar i det langstrakte landet vårt. Døra står rett og slett alltid open for gode menneske og god stemning!

Bråtabrann er Noregs nye tilskot på bygdeband-himmelen, og bandet med røtene sine frå dei djupe skogane og vide jordene i Østfold gjenskaper bygdemagien i musikken sin. Bråtabrann består av 5 svært habile konsert- og studiovante musikarar frå Trøgstad. Saman eller kvar for seg har dei turnert landet rundt med forskjellige konstellasjonar, samt gjort seg bemerka på fleire plateinnspelingar.

Tidlegare i år slapp dei si første låt “Hjemmekjær”, som fekk svært god mottaking i både bygd og by. Låta klatra opp på #34 på Topp50 - Viral Chart i Noreg, som mest delte låt. Mange har trykt låta og bandet til brystet sitt, og kan no glede seg over at meir musikk kjem jamnt og trutt! “Hele bygdas mann”, “Langt av sted”, “Sløveri”, “C’est la vie”, “Alltid mekke bil” og sist men ikkje minst “Han må ut” viser breidda på bandet både i tekst og melodi. Men tekstar som tek for seg livet på landet, bygdeoriginalar, utflyttarar med heimlengt og ikkje minst ny og gammal kjærleik, snakkar dei publikum i alle aldrar.